Maudo sojaa’en leddi ndi Lieutenant General Taoreed Lagbaja andi doow wanshugo balmi ha leddndi musamman ndir gifa woila waladu hirna ema nder gifa woila waladu funa buri sembe nden do halka jonde jam e umminol hakkilo ummatore, owii dole on soja en mako waddan ragare majuum ha leddindi.
General Lagbaja andi banning mai on ha wakkati nde o jabino kodangu ngomnajo jiha Katsina Alhaji Dikko Radda ha fada lamorde soja’en elddi ndi ha Abuja.
O manni ngomnajo jiha Katsina ema wakili’en ngomnati man pat be tinaare nde ngomnati man wadata hedi duddungo bayanuji labdi di wallititta ha hurgugo kude kallude nder jiha kan ema leddifu jonde wore,
O efti alkawal doow soja’en mako hauran jude be himbe jihakan ema ngomnati ngam waddugo ragare soide rento ha jiha kan ema gifa woila walaadu hirna leddi nofoti.
Ngomnajo jiha Katsina Dikko Rdda mani hukuuma soja’en mai be tinare honugo kude kallude duum be kabdata owii kala bawal bawo duum soja’en man marata haje ha mako fu o hokkan.
SADIQ ALFA
