Ardiido leddi Najeeriya Bola Ahmed Tinubu tiggi commiru shembindu ndu lartata billajii hakkunde remoobe e duroobe ngam wadda ragare soinde famtotiral ema kabe kallude ko fe’ata ha leddindi heba no tabitinira jonde jam ema bamtugo daraja risku leddi.
Ardiido leddi wii commitirudun yowanama dungal dabbutuggo labi hebango durobe andal durngol jamanu ema eltugobe hedi sarrufuggo risku dabbaji ngam wadda jahol yeso. Ha fahin tabitina fitinaji hakkude remowoo e durowo warri ragare ha leddindi jonde wore.
Tinubu andini banning mai on ha habaruwol ngol shakowo habarujii ha office ru mako Mr Ajuri Ngelale wurtini. Bawo nde be timmini jone de wakili’en commitiru lartowa yakee ngurdam dabbaji wadino jude gidal nden wurtini rahoto yerbani Ardiido leddi main der asawere salundee.
Moftorde l;artore yakee gurdam dabbaji mai wadaama on less Ardungal Ngomnaajo jiha Kano boimaajo ha fahin mo lataake Ardidoo jamdiyya APC ga leddi Dr Abdullahi Umar Ganduje.
Ha nder wolde makoo Ngomnajoo jiha Kano boimajo ha fahin Ardiido jamdiyya APC mo leddi Dr Abdullahi Umar Ganduje wii wakkati odo Ngomna ha jiha kano o medii wadugo moftorde ko nandi bana ndei ndenbo duuw baude Allah duum nafi masin waddi baili ema jahol yeso ha fiiji durngol ha fahin nafi darnugo fitina hakkunde rmobe ema durobe.
O holli jiha kano jonta warti burri ko toi marugo jonde jam e de’ende hakkunde remobe be duroobe.
SADIQ ALFA
