Tumbaljo wakiili’en majaliisaabe, Abbas Tajudeen wangini suno muudum dowko laarani hippuki laanaaje nder Lesdi Naajeeriya ko wadi sanadu halkuki Himbe duudbe haa bakkeeje feerefeere nder Lesdi Naajeeriya.
Tumbaljo on wolwi haalakan musamman ngam ko fe’I haa Jihawol Adamawa enanta Jihawol Niger hawtaade be nadditirki ngomnati ‘e ardiibe fu hoora hakkiilo dow Laanaaje den ngam kannjum ma do walla ummaatoore enanta kilantaaji riskuuji.
Abbas tefri marbe jarful ‘e hukuumaaji lorna hakkiilooji mabbe sanne ngam hurga gannudi hebete haa laabi Laanaaje den ko rentata ummaatoore ‘e jawle mabbe.
Tumbaljo on tottini kofli foofo muudum yaaki Lenyol sooyube yonki mabbe enanta ngomnati Jihawol Adamawa bee Niger.
SADIQ ALFA
