Ballo Ardiido Lesdi Naajeeriya, Kashim Shettima yahi ggidal haa Havana Lesdi Cuba, jee G77 kadima bee giidal ardiibe Lesdi China.
Shettima luutani Ardiido Tinubu haa giidal ngal ko tammi fuddeeki 15th yaaki 17th Lewru September, 2023.
VP Shettima yiidan bee Ardiibe Lesde Duuniyaaru feere feere nder mabbe woo seketeriijo mawdoojo mo UN, Antonio Guterres be metan duudka ko laarani kuude jahargal yeeso.
Haa giidal ngal be wolwan ko wallata Lesde’e Lesde nder man hawti bee ka sembidinki kilantaaji riskuuji , annde kiimiyaaku ‘e ekitinki sanaa’aaji pamari hakkunde ummaatoore.
Kadima Shettima tammi waduki giidal bee Luumoobe ngam wadda jahargal yeeso Luumooku haa Lesdi Naajeeriya bee rufayonta’en sembidina kilantaaji riskuuji Lesdi Naajeeriya.
Ardiido Lesdi Cuba, Miguel Díaz-Canel laatiido hooreejo Giidal ngal G77 enanta Lesdi Chinakambe on wadi werde giidal ngal.
Taakiyaare moobre nden woni: “wadduki jahargal yeeso kilantaaji riskuuji’e hurguki gannudi annde kiimiyaaku.”
Lesdi Naajeeriya nasti nder kawtal Ardiibe ben G77, ko be tiggi iga 1964 ngam Lesde hebiide jahargal Yeeso Lesde den hewtude 134.
SADIQ ALFA
