Giidal jawleeru ngomna’en 8 be Jihaaji wayla walaadu Fuuna Lesdi Naajeeriya omtaama haa Galluure Maiduguri laamorde Jihawol Borno.
Ballo Ardiido Lesdi Naajeeriya, Kashim Shettima kanyum on omti giidal ngal nde O yaano ngilla nyalde 2 ka omtuki golle ngomna Babagana Zulum huuwi nder nyalde 100 ko’O lorti korowal ngal.
Shetima mani tiinaaje ngomna’en ben bee kuude de jahargal yeeso ko be wadani Jihaaji mabbe.
Prof. Babagana Zulum, ngomnaajo Jihawol Borno nden laatiido hooreejo be jawleeru ndun wi usi yetti tiinaaje Sooja’en no behabdirta ngam yiiki kuude saata gidkuuku’e saatagidku’en timmi haa bakkeeje den.
Nder tawaabe haa Giidal ngal woni ngomna’en bana mo Yobe Hon. Mai Mala Buni, Ahmadu Fintiri mo Adamawa, Abdulkadir Bala Mohammed mo Bauchi, nden Taraba enanta Gombe yerbi ballo ‘en mabbe luutani be.
Nder besdaari jawaabu Zulum wi: “haa giidal ko be wadi ko saali warki hannde fu be meti duudka ko waddata jahargal yeeso Bakkeeje wayla walaadu fuuna Lesdi Naajeeriya hawtaade beeno be hurgirta gannudi be wontiri haa bakkeeje den nde woore.”
Haarager giidal ngal ngomna’en ben winndi boddi ko tammi wadeeki ngam bote Bakkeeje den ko hewtani sappo 10 nden be wi giidal ngal tammi wadeeki Kadima hakkunde nyennde Jumbaare 3 enanta nyennde Asawe 4 Lewru November 2023 to jam haa Galluure Yoola nder Jihawoll Adamawa.
SADIQ ALFA
