Kore Ardiido Lesdi Naajeeriya, Senator Remi Tinubu tefre arddibe kawtal koppi haro walluki rewbe hedi kolaarani fannu annde kiimiyaaku, ICT.
Mrs Tinubu holli gidaadi muudun ngam yiiki Rewbe nder Lesdi Naajeeriya hebi kawtal koppi ‘e anndal boosungu hedi fannuwol ngol ngam jahargal yeeso mabbe.
Debboojo on wolwi haalakan haa nokkuure lamar taskaram elto ICT ko wada musamman ngam rewbe ko hukuuma, NITDA, taskani haa Abuja Laamorde Lesdi Naajeeriya.
Mrs. Tinubu tinndini kawtal koppi hakkunde NITDA be taskaram jahargal yeeso Rewbe dum hunnde on ko waddata jahargal yeeso masin.
Non ministaajo mo hakkilanta shaanu maatootiral, Dr. Bosun Tijani wi ngomnati Lesdi Naajeeriya do taski sanne haro walluki Rewbe ngam sembidinki kilantaaji riskuuji.
Dr Tijani wanngini boddi ‘e nafuuda feesinki golle yaaki ummaatoore ngam sembidinan kilantaaji riskuuji.
Hooreejo hukuumawa NITDA, Kashifu Inuwa anndini boddi ko be huuwata ko waddata jahargal yeeso kilantaaji riskuuji nder Lesdi Naajeeriya.
SADIQ ALFA
