Dr. Omar Touray, ardiido hukuuma kawtal ECOWAS, wi be wi’ay mallabo be yaarata kippi dow ummaatoore Lesdi Niger bee sembe Sooja’en ngam lorna Laamu dimocradiyya haa Lesdi Ndin.
Dr. Touray Labbinani kubaru’en haalakan haa Abuja Laamorde Lesdi Naajeeriya ngam yiiki wobbe majji no sankitiri kubaruuji din na woni haa ECOWAS.
Touray besdika bee wiiki toni haa be naftoran senbe Soojama woodi taskaram goddi musamman haandi wade amma haa jotta wadaaka .
Kadima O wi woodi diidaadi musamman dum Act 2012 ko sappi dow toni ha Lesdi woni nder ECOWAS yabbi ka be wadana Lesdi ndin hombere.
Ardiido ECOWAS wi Ardiibe kawtal ngal wadan fodde bawde mabbe haro yiigo jam’e tokkuki diidaadi hebaama haa Lesdi Niger.
ECOWAS tokkan hedi Laabi diplomasiiyaaku ngam hewtanki yidannde mabbe enanta ummaatoore fu haa giifakan.
SADIQ ALFA
