Ngomna’en Jihaaji tammi yahuki giidal taskaram ngotka hawtaade bee majaliisa moobgal Lesde Duuniyaaru nga (UNDP) haa galluure Kigali, nder Lesdi Rwanda.
Nder jawaabu gooto nder be taskaramka, Mr. Lealem Berhand Dinku, wi taskani taskaramka wade te hakkunde 24-yaaki 27 Lewru August 2023.
Mr. Berhand-Dinku, besdika bee wiiki moobre nden woodi nafooda sanne ngam wallanbe hedi ko laarani ardungal ngomna’en ben nder Lesde Africa enanta luttude Lesde Duuniyaaru fu.
Ko nden on O sappi bee wiiki ka woodi faa’ida hedi sembidinki kilantaaji riskuuji,feesinki ko huuwe ‘e hurguki gannudi jur.
Nder tawaabe haaton woni Abdulrahman AbdulRazaq ngomnaajo Jihawol Kwara, Babajide Sanwo-Olu mo Lagos,Chukwuma Soludo mo Anambra, Paul Kagame Ardiido Lesdi Rwanda, Uhuru Kenyatta Ardiido Lesdi Kenya boymaajo, Arkebe Oqubay sawroowo prime ministaajo Lesdi Habasha, Asishana Okauru, hooreejo aagal ngomna’en ben Ahunna Eziakonwa, ballo seketeriijo mawdoojo mo UNDP’haa bakkeeje Lesde Africa hawtaade bee teddube taskaniibe taskaramka UNDP be Lesde feere feere nder Duuniyaaru fu.
SADIQ ALFA
