Ardiido Lesdi Naajeeriya, Bola Ahmed Tinubu wadani Ardiido julbe Sultan mo Jihawol Sokoto, Muhammadu Sa’ad Abubakar III, enanta majaliisaabe maako barka bee hewtuki ardiido on duubi 67.
Ardiido Tinubu mani tiinaaje Sultan bee kabdal ndeyefu haro yiiki ummaatoore joodi jam enanta no jahargal yeeso hebirte nder Lesdi Naajeeriya iga ko’ O maggi korowal laamu nder Lewru November 2006.
Kadima O besdi ka bee wiiki ardiido on yidi ummaatoore ‘e walluki keddiraabe maako sanne bawti yedde maako joonde jam.
Tinubu wadani Sultan Do’aji njamu’e besdaari juutal balde.
SADIQ ALFA
