Comitiwa wakiili’en majaliisaabe ko hakkilanta shaanu hukuumawa rufayonta nga (NSIA) wi hoori hakkiilo sanne dow hukuumawa ngan.
Hooreejo hukuumawa ngan Aminu Umar-Sadiq, CEO mo NSIA, kanyum on suuditi ka bee wiiki hokkaama Ceede ko buranta $500 millionji dalaaje ngam taskaramji’e nyibaali nden Kadima ko hewtanta $1 billionji ko laarani rufayonta ngam Lesdi Naajeeriya.
Umar-Sadiq suuditi haalakan wakkati O wanngi haa yeeso wakiili’en majaliisaabe ben nde be yaano lartuki ko gollirde nden NSIA wontiri.
O wi NSIA huuwi kuude kewdum sanne nder man woodi ko laarani nyibaali,shaanu ndemri,shaanu njamu,kubbirle yiite lamtarki’eko nanndi’enon.
Hooreejo komitiwa ngan, Hon Kuye Ademorin-Aliyu, wi lincitol mabbe wadaama sanne haa hadi majjinol ceede ‘e waduki taskaramji goddi wala anndinoore mallabo dungayeere ko diidaadi sappi.
Niiman wadaama on ngam ummaatoore Lesdi Naajeeriya yi annda no ceede hukuumawa ngan majjinirte ‘e ko huuwiraama nden bo be tammi hetuki wakkati ngam larta ko be wi be huuwi nder Lesdi Naajeeriya.
SADIQ ALFA
