Tumbaljo wakiili’en majaliisaabe. Abbas Tajudeen, wadani wakiili’en hunnaabe minister ‘en be Tinubu hunni.
Kambe on woni minista’en bana, Hon. Bunmi Tunji-Ojo mo shaanu nder Lesdiiku bee Hon. Tanko Yusuf Sununu mo shaanu janngirde.
Tunji-Ojo laatino hooreejo comitiwa hakkilanta shaanu jahargal yeeso Hukuuma Niger Delta (NDDC).
Hon Sununu bo laatino hooreejo comitiwa hakkilanta shaanu hukuuma njamu nden kanko on luutanta galluuje Yauri/Shanga/Ngaski nder Jihawol Kebbi.
Tumbaljo on Abbas wi fakat O yerdi bee Tunji-Ojo, enanta Hon Sununu bee wiiki be wadan fodde bawde mabbe ngam yiiki jahargal yeeso hebaama haa hukuumaaji mabbe.
Tumbaljo on mani kuude Sununu musamman dowko laarani nasti maako ngam yiiki tikkere golle Lokotoro’en wadatado timmi.
O wi “mi wadani minista’en ben fuu barka nden min hawtan koppi beemabbe ngam min gollida ko waddanta Lesdi Naajeeriya Jahargal yeeso.,”.
SADIQ ALFA
