Kampaniwa hakkilanta shaanu ndemri anndira Agro-Climatic Resilience in Semi-Arid Landscapes, ACReSAL timmini taskaramji mabbe haro omtuki nukkuuje janngirde mabbe pamari enanta irtuki bulli ndiyam haa nder Galluuje ko hewtani 5 nder Jihawol Jigawa.
Mo hakkilanta kuude den, Yahaya Muhammad, kanyum on suuditani ka kubaru’en bee wiiki Galluuje den woni,Auyo, Babura, Birnin Kudu, Kafin Hausa enanta Suletankarkar.
O besdika bee wiiki toni haa kuude den timminaama sadeende ndiyam ustan sanne haa bakkeeje den hakkunde Himbe Wuro enanta remoobe haa giifaaji din.
Kampaniwa ngan ACReSAL dum kampaniwa Lesde yaasi on wari Lesdi Naajeeriya musamman bakkeeje waylaari Lesdi ndin ngam walla Jihaaji ko hewtani 19 dum Bankiiru Lesde Duuniyaaru taski.
Muhammad wi “tsakaramji din fu wadaama on ngam sembidina shaanu ndemri ‘e weltinki ngurndam ummaatoore.”
SADIQ ALFA
