Ngam yanayuuji bayli sella waddani ummaatoore Lesdi Sudan Fombinaari sadeende ko nyaame haa giifakan bananta ko hukuuma hakkilanta shaanu nyaamande UN sappi.
Taskaram hakkilanta shaanu nyaamannde Duuniyaaru wi hewti duubi 4 ko yuuti mallabo paccam ndiyam do wade haa bakkeeje Bentiu ko hadi ummaatoore ko hewtani milionji haa labbaaje den ndemri.
Soynde laabi boddum, kabe fu do nder ko besdani be sadirmaaji haa ton ko wadi sanadu waddanki be weelo.
Burna ummaatoore haa bakkeeje den do habda bee yanngada weelo ‘e talakaaku hawtaade bee wiiki ko be joodi be meeday hebuki duudal ummaatoore yiidoobe ‘e yanngada weelo ko yotti non haa giifakan.
Fombinaari Lesdi Sudan nasti yanayuuji caatudi ngam besdaari ceedee nyebbam peeturuljam enanta fitnaaji kabe.
Min tefi besdaari nyamaande ceede ko hewtani WFP $567 millionji ngam min yida yonki ummaatoore.
SADIQ ALFA
