Ardiido Lesdi Naajeeriya, Bola Ahmed Tinubu, wi mardi hakkunde Lesdi Benin Republic beenanta Lesd Naajeeriya nafan ummaatoore bakkeeje den sanne.
Tinubu suuditi haalakan haa Cotonou, laamorde Lesdi Benin bawti o yahi ton musamman nde be surgimo ngam seyo lamar nyaloomaare nde lesdi ndin hebi ndimu.
O wi kediirki hakkunde Lesdi ndin 2 wadi burna mardi mabbe fu gootel ngam non be habda ko wallata sukaabe hakkunde mabbe.
Kadima O wi senbidinki kilantaaji riskuuji enanta luuttudun kuude jahargal yeeso hebataake no haandi bananta to be hawti koppi hakkunde Lesde den 2.
Tinubu yeti Ardiido on Talon nde O surgi mo .
Tawaabe haa nokkuure nden woni ngomna’en bana mo Ogun, Dapo Abiodun; Lagos, Babajide Sanwo-Olu; Oyo, Seyi Makinde; Kwara, AbdulRahman AbdulRasaq; Kebbi, Nasir Idris, enanta Niger, Mohammed Umar Bago.
Nder jawaabu Talon wi warki ardiido Tiubu seenimo sanne ndem bamti daraja lamarkan haa giifakan sanne nden O wi fakat Lesdi Naajeeriya be Benin dum derdiraabe on
Ardiido Tinubu warti Lesdi Naajeeriya bawti lamarkan timmi.
SADIQ ALFA
