Ngomnati Lesdi Naajeeriya wi do wada fodde bawde muudum haro yiiki bee hadi tikkere golle dum be kawtal golloobe NLC taski waduki do.
sawroowo Ardiido Lesdi Naajeeriya Bola Tiinubu mo shaanu kubbirle, Ms Tolu Verheijin kanyum on suuditika nde kubaru’en hodorde ngomnati nyamino mo bawti giidal hakkunde mabbe bee NLC haagiifakan.
giidal ngal wadaama on haa hodorde ngomnati nyennde Alarba ko jokki giidal mabbe no dow ko laarani ustanki talaka’en yanngada nder Lesdi Naajeeriya bawti besdaari ceede nyebbam peeturuljam.
debboojo on wi: “giidal amin hanndeedo moobi Ardiibe sanne hakkunde ngomnati bee be NLC hawtaade bee daraniibe hakke innu Adama nden bo min meti duudka nafooha jabrude kanndude bo hoosaama , Kadima min lortan min wada giidal ngal ngam yawna ustanki talaka’en yanngada nder Lesdi Naajeeriya.”
dow ko laarani sendiigu mballa ko anndira palliatives, Verheijin wi:
“ardiido Lesdi Naajeeriya do dari darnde sottoowo ngam yiiki be hebbitini alkawal ko hoosa bee jawdum musamman haala mballa kan.”
nder jawaabu hooreejo (NLC), Joe Ajaero, wiido giidal mabbe dooni jokki ko be wadanno on dow ko laarani besdaari ceede nyebbam peeturuljam.
“mininkam ni min do wolwo dow nokawaari haa be besdi ceede nyebbam ko hewti N520 nden Kadima jotta haa hewti 617 min wadan fodde bawde amin ngam be walla ummaatoore Lesdi Naajeeriya.
non kadi ma hooreejo (TUC), Festus Osifo wiido woodi jahaangal haa yeeso fa ngam laati doole ngomnati wadana ummaatoore Lesdi Naajeeriya ko haandi.
“goddum nder ko be meti fu min yerday beemaajum nden bo minin ma min anndinibe ko min yidi haa nokkuure giidal ngal.
“wakkati giidal ngal min anndini be ko min wontiri be wi be lartanka nden be ewtan amin nyennde Jumbaare to jam.
“mini kamni ko min yidi ngomnati wadani wallita ummaatoore Lesdi Naajeeriya ngam bedo yara bone.
“min sappi ngomnati hoosa jabrude bee jawdum ngam min wala wakkati.,”
Hooreejo TUC wi be lortan giidal ngal nyennde Jumbaare 28 Lewru July.
SADIQ ALFA
