Wakiili’en majaliisaaru ndotti’en lorti majaliisaau bawti wollaare seyo lamar julde Layhaaji.
Wakkatiire nden hooreejo wakiili’en ben, Godswill Akpabio anndini Inde ardiibe majaliisaaru ndun bee wiiki, Senator Opeyemi Bamidele kanyum on hooreejo burdube duudugo be APC nden ballo maako woni Senator David Umahi daliido korowal ngomnaaku haa jihawol Ebonyi Fombina walaadu Fuuna Lesdi Naajeeriya.
Senator Mohammed Ali Ndume kanko ma O sunaama hooreejo ko anndira Chief Whip , nden Senator Lola Ashiru kanyum woni ballo maako.
Kadima Akpabio jeeday anndini wobbe nder ardiibe ben woni, Senator Mwadkon Simon Davou (PDP, Plateau waylaari) hooreejo burdube famdugo, nden Senator Oyewumi Kamorudeen Olarere (PDP Osun hirnaangeere) kanko woni ballo maako. Senator Darlington Nwokeocha (LP, Abia Cakaari) kanyumbo wo burdube famdu haa mukaamu Whip, nden mo NNPP Senator, Rufai Hanga (NNPP Kano Cakanteere) woni ballo maako.
SADIQ ALFA
