Hukuuma hakkilanta shaanu hijju ha Lesdi Naajeeriya (NAHON) manaama bee timmin ki yaaruki hijjoobe hijju dooko Lesdi Saudiya mabba riftorde Piirooje mabbe.
Kawtal hakkilanta shaanu Luumoobe enanta julndamku kambe on wadi manoore nden ngam yiiki no hukuumawa ngan NAHCON bee tiinaare yaaruki ummaatoore ko hewtani 95,000.
Haalakan wurti on haa hunduko Amir mo kawtal Lesdi, Mr. Kamil Olalekan hawtaade bee seketeriijo kawal ngal, Mr. Muideen Adeleke,kawtal ngal mani tiinaaje hooreejo hukuumawa ngan NAHCON, Alhaji Zikrullah Hassan bee Luttube golloobe maako.
Kawtal ngal tefri ummaatoore Lesdi Naajeeriya yahiibe ton Lesdi Ceniindi be latto muybe be huuwa kuude hijju ko yaaribe bananta no haandi ngam latto jabaadum nden be wadana hukuumawa ngan NAHCON do’a.
Haragare be wadani yahiibe kuude hijju Do’a ALLAH hokkube saa’a kuude den nder wartirbe jam be tawta jam.
SADIQ ALFA
