Fijoobe kastaabe be fijirde nakisiibe worbe be Jihawol Oyo enanta Rewbe be Jihawol Delta hebi nasaraaku haa fijirde nde Boll andira Basketball dum Lesdi Naajeeriya taskani be ko fija haa daldal fijirde nde Alake Sports Centre haa Galluure Abeokuta, nder Jihawol Ogun fombinaari Lesdi Naajeeriya.
Oyo hebi nasaraaku dow Lagos bee boggi 10-1 Jihawol Delta bo hebi nasaraaku dow Oyo bee boggi 3-2.
Osun hebi nasaraaku dow Abuja 7-5 Imo hebi nasaraaku dow Kwara 5-1
Hooreejo kawtal fijirde nden, Seyi Johnson, wi fijirde bananiido do hokka fijoobe bosesel anndinki o’e mabbe nder Lesde duuniyaafu.
SADIQ ALFA
