Ngomnati Lesdi Naajeeriya taskani kabbidal narral boosungo bee ngomnati Lesdi Britania dow ko laarani shaanu Rento, ndemri,enanta jahrgal yeeso nyibaali.
Seketeriijo ngomnati, SGF, George Akume kanyum on suuditika bawti nulaado Lesdi Britani gondo haado Lesdi Naajeeriya, Richard Montgomery,
O wi Lesde den 2 besdan kabbidal narral boosungu ngam woodi bote hakkunde mabbe sanne.
SFG wadani nulaado on barka bee warki maako Lesdi Naajeeriya kesum nden O tefri ngomnati UK wallita Lesdi Naajeeriya hedi shaanu rento ngam hurga gannudi turtube Boko Haram, wojjoobe suuda enanta kippe hakkunde duroobe ‘ena remoobe nder Lesdi Naajeeriya.
Senator Akume wi nder narral mabbe woodi ko laarani shaanu Janngirde, njamu ‘eko nanndi ‘e non.
Nder Jawaabu nulaado on, Richard Montgomery kanyumma wadani seketeriijo on barka bee korowal maako dum Bola Ahmed Tinubu hokkimo.
Kadima O mani tiinaaje taskaramji Ardiido Lesdi Naajeeriya dow ko laarani sembidinki kilantaaji riskuuji Lesdi Naajeeriya bee jawdum do.
SADIQ ALFA
