Lesdi Habasiiniya taskani omtuki mbeela ndiyam mabbe ko hawtani mayo filitiingo ngo Blue Nile, ballo prime ministaajo Lesdi ndin on suuditi ka nyennde Alamiisa.
Mbeela ngam (GERD) majjinanaama Ceede ko hewtani $4.2 billionji dalaaje Ceede Lesdi America iga ko kuude den fuddaama 2011 daray sam haa timmi.
O wi “ GERD do habdana hebbitinki nayabre on amma jee tatabre do waday nbononnda amma jottakan hebbinan haa facca badiima meeman nokkuuje godde nder Jihaaji haa bakkeeje keddiraadi Lesdi ndin.,” ministaajo yaasi Lesdiiku Lesdi ndin Demeke Mekonnen, on wi
Haa nokkure giidal ngal woodi minista’en teddube hawti bee Demeke enanta luttube be Lesde keddi raandi mabbe ko nanndi bana Uganda,Democratic Republic of Congo, Fombinaari Lesdi Sudan enanta Tanzania.
Ndenno Lesdi Sudan bee Misra kambe on burdi battuki bee mbeela Lesdi Habasiiniya man ngam non on ndenno be wiino do tufa yuutinki nokkuuje mabbe.
SADIQ ALFA
