Seyo lamar nyaloomaare Hijirbe jee 2023 hebi nasaraaku sanne ngam Ardiibe ‘e kawte hakkilanta taskaramji besdi taskitanki weltinki ngurndam mabbe to jam.
Hooreejo hukuuma hakkilanta shaanu Hijirbe haa Lesdi Naajeeriya , Imaan Suleiman-Ibrahim wi wakkati wadi nde ummaatoore ittata feerotiral habdana walluki hijirbe.
O wi toni haa be do hokka hijirbe fu ko haande be nanabe bana luttube ummaatoore nder Lesde Duuniyaaru.
Seketeriijo tabitiido mo hukuuma hakkilanta shaanu innu Adama, Nasir Sani-Gwarzo wi woodi taskaramji musamman dum Lesde duuniyaaru taskani hijirbe haa giidal ko tammi wadeeki 13th-15th Lewru December, 2023 haa Geneva,.
Ali Grema, kanyum on Luutani Nasir Sani-Gwarzo haa nokkuure nden O wi be taski sanne wadanki Hijirbe ko haandi dum anndina iga 2019.
Hooreejo Hijirbe mo UN haa Lesdi Naajeeriya, Chansa Kapaya wi be wadanan hijirbe ko haandi ngam weltinki ngurndam mabbe.
Kadima O nder fu haandi dabare kanndude hoose ko hhoorata hijirbe fu haa nokkuuje mabbe buri.
Kapaya tefri ngomnati Lesdi Naajeeriya besda walluki hijirbe be hallube wadibe doole dalki nokkuuje mabbe.
Lesdi Naajeeriya do jogi hijirbe ko hewtani 100,000 iwbe iga Lesde ko hewtani 34 amma burna mabbe ko hewtani 94,000 dum Himbe Lesdi Cameroon on.
SADIQ ALFA
