Sooja’en be kawtal koppi (MNJTF) yerbaabe haa Lake Chad basin tefraama be sattina terde mabbe sanne haa kuude mabbe ngam rentuki ummaatoore enanta jawle mabbe.
Haalakan wurti on haa hunnduko hooreejo mabbe MNJTF, Major General Gold Chibuisi wakkati O yaarano ngilla haa Baga,Kauwa enanta Bosso hakkunde Lesdi Niger bee Naajeeriya.
Mo hakkilanta kubaruuji Sooja’en ben, MNJTF Ndjemena- Chad, Lieutenant Colonel Abubakar Abdullahi wi hooreejo on wi hokkan Sooja’en ben baawal baawo hedi ko be mari haaje fun gam kuude den huuwe no haandi.
Kadi ma O tefri be be hawta koppi be gollida bee hukuumaaji rento goddi ngam be heba jahargal yeeso haa bakkeeje den.
General Chibuisi non tefri ummaatoore haa bakkeeje den kambe ma be yawna anndinki rentoobe kubaruuji kanndudi ngam wallabe haa kuude mabbe.
hooreejo on mani tiinaaje rentoobe ben enanta Ardiibe haa nokkuuje den bee hokkuki be baawal baawo.
SADIQ ALFA
