Ardiido Lesdi Naajeeriya Bola Tinubu epti alkawa bii talaka bee bii mardo fu heban janngirde boosungu.
Tinubu wolwi haalakan wakkati kawtal fukaraabe Lesdi Naajeeriya yaarani ngilla (NANS),
Ardiido on wi talakaaku hatti bi talaka janngirde nder Lesdi Naajeeriya.
Kadima Tinubu, hoosani ardiibe fukaraabe ben Alkawal hebbitinki yidannde mabbe nden tefri be kawtal ko’e hakkune mabbe ngam jahargal yeeso kawtal ngal enanta jangirde.
Bola tinubu wi O nani beldum nde fukaraabe ben hokki baawal baawo bee ittuki mballa nyebbam Peeeturuljam,
Hooreejo kawtal ngal NANS , Umar Barambu wi aagal ngal wari on musamman ngam usa ardiido on bee waduki juude dow diidaangol ko hokkata Fukaraajo fu nyamaande Ceede ngam hisa meedeeki haa janngirde ngam yobay Ceede jangirde nden.
Tumbaljo wakiili’en boymaajo Femi Gbajabiamila, on taskani diidaangol ngol nden Tinubu bo yerdi bee haalan tabitini ka nder diidaadi Lesdi Naajeeriya.
SADIQ ALFA
