Ngomna’en Lesdi Naajeeriya fu wambi baawo Ardiido Lesdi Naajeeriya Bola Ahmed Tinubu dow ko laarani ittuki mballa nyebbam enanta luuttudi Anniyaaji maako boddi di O tammi huuwanki ummaatoore Lesdi Naajeeriya.
Ngomna’en ben be hooreejomabbe (NGF), AbdulRahman AbdulRazaq mo Jihawol Kwara ardani yaaki giidal bee Ardiido on nyennde Alarba haa hodorde ngomnati moyefu nder mabbe meti duudka nafooha nden be holli seyo mabbe sanne wakkatiire nden.
Be wadani ardiido Tinubu barka bee no O taskani hurguki gannudi ittuki mballa nyebbam nden be eptani mo alkawal be gollidan bee maako.
Kadima Tinubu tefri ngomna’en ben hawta hoore bee ngomnati ngam be hurga gannudi Lesdi ndin wontiri fuu musamman talakaaku.
Tinubu wi taski sanne ngam weltinki ngurdam ummaatoore Lesdi Naajeeriya.
Hooreejo ngomna’en ben AbdulRasaq usi yetti Ardiido Tinubu bee surguki be nden O wi be hokkan mo baawal baawo sanne musamman hedi shaanu rento enanta hurguki gannudi talakaaku bee luttudi kuude ko waddata jahargal yeeso fu.
giidal ngal tawaama bee Gite ballo ardiido Lesdi Naajeeriya Kashim Shettima, Seketeriijo ngomnati George Akume enanta ngomna’en Jihaaji ko hewtani 22 bee ballo ngomna’en 2 iga Jihawol Edo bee Niger.
SADIQ ALFA
