Gollirde hakkilanta shaanu Aaadi wangini yidannde mabbe dow be wadanabe njanngirde musamman ko hakkilanta fannuwol ngol.
Hooreejo mo hakkilanta gollirde nden Segun Runsewe kanyum on suuditi haalakan haa Abuja Laamorde Lesdi Naajeeriya wakkati be wadanno giidal bee be hakkilanta shaanu kilantaaji riskuuji Lesdi hakkunde Naajeeriya bee Netherlands haa hukuuma hakkilanta shaanu yaasi Lesdiiku nder Lesdi Naajeeriya.
Mr. Runsewe besdika bee wiiki neebi Lesdi Naajeeriya do wadi kabbidal narral caatungu ko sembidinta kilantaaji riskuuji hakkunde Lesde den 2.
Kadima o tefri ngomnati Lesdi Netherlands wadda dabareeji kanndudi ko wannginta nokkuure janngirde fannuwol Aadi jee Lesde Africa fuu ngam botira bee maaka ‘e narral hakkunde mabbe.
Seketeriijo tabitiido mo hukuumaw hakkilanta shaanu yaasi Lesdiiku nder Lesdi Naajeeriya, Ambassador Adamu Lamuwa jabbi weakiili’en ben be Lesdi Netherland wariibe musamman ngam sembidinki narralhakkunde Lesde den 2.
O wi fakat Lesdi den 2fu taskani kuude jahargal yeeso ‘e ko sembidinta kilantaaji riskuuji.
SADIQ ALFA
