Lamdo Ilorin Jihawol Kwara wayla cakantaari Lesdi Naajeeriya , Alhaji Ibrahim Sulu-Gambari, umri yahiibe kuude hijju fu jee hitaande 2023 wadana Lesdi Naajeeriya Do’a joonde jam ‘e jahargal yeeso.
O wi be naftora bosesel ngilla mabbe yaaki suudu Kaaba enanta Madiina haa Lesdi ceniindi Saudi Arabia.
Ardiido on wol wi bana ka’a wakkati O wadanno jaawaabu maako nde O yelanibe kuude Hijju nder jam ‘e saa’a bananta tumbaljo maako sappi.
Alhaji Sulu-Gambari yetti ALLAH bee mo’ere O hokki ummaatoore Jihawol Kwara enanta Lesdi Naajeeriya fu
O wi“ngam no ndini be yahi ton Lesdi Ceniindi be torana Lesdi Naajeeriya jahargal yeeso’e kawtal koppi.”
Haa ragare O wadani ummaatoore Jihawol Ilorin enanta be Lesdi Naajeeriya fuu Do’a ALLAH warturu be jam be tawta Iyaalu mabbe.
SADIQ ALFA
