Kore Ardiido Lesdi Naajeeriya Subaado, Senator Oluremi Tinubu, mo luutani Goriiko, Asiwaju Bola Ahmed Tinubu, haa nokkuure Do’a be haykaleeji wi njamu ‘e jahargal yeeso Lesdi Naajeeriya hebete to jam.
Nder jawaabu Mrs. Tinubu, haa nokkuure nden nde heewi ardiibe teddube be Lesdi Naajeeriya haa be yaasi maari bee wiiki fakat Allah yidi Lenyol maako on wadi hokkibe amana ummaatoore Lesdi Naajeeriya haa juude Gorko maako ngamnon be wadan fodde bawde mabbe be weltina ngurndam ummaatoore.
Senator Tinubu nodditiri ardiibe debbo’e Gorko fu wallita hokka Goriiko baawal baawo ngam be heba nasaraaku haa ardungal mabbe.
Ballo ardiido Lesdi Naajeeriya Yemi Osinbajo enanta kore maako, Mrs. Dolapo Osinbajo,tawaabe haaton kanko O tefri ardiibe diina enanta Siyaasaabe wadana Lesdi Naajeeriya Do’a jahargal yeeso enanta joonde jam.
Hooreejo haa haykaleeru ndun, Archbishop John Praise Daniel, kanyumma wii Ardungal seeto hawti bee Do’a.
Ardiibe tawaabe haa nokkuuure nden woni, ardiido Lesdi Naajeeriya boymaajo General Yakubu Gowon, bee kore maako, Mrs. Victoria Gowon, hooreejo haykaleeru, His Eminence Most Reverend Daniel Okoh, seketeriijo ngomnati, Boss Mustapha, bee kore maako, Mrs. Funmilayo Mustapha, kore tumbaljo wakiili’en majaliisaabe, Mrs. Salamatu Gbajabiamila, ministaajo Sukaabe, Sunday Dare, ngomnaajo Jihawol Ogun boymaajo, Otunba Gbenga Daniel, enanta Ardiibe Laamu ndonndonu hawtaade bee luttube.
SADIQ ALFA
