Ministaajo mohakkilanta shaanu rento Sooja boymaajo, Major Gen Bashir Magashi (rtd), hokkiti laamu maako yaaki seketeriijo tabitiido mo hukuumawa ngan , Dr. Ibrahim Abubakar Kana.
Lamar enanta hokkitol laamu ngun wadaama on bee Gidde Gite ummaatoore haa hodorde hukuumawa ngan haa Abuja Laamorde Lesdi Naajeeriya.
General Magashi, usi yetti baawal baawo ko golloobe ‘enanta Sooja’en haa hukuumawa ngan hokkima wakkati O huudanno bee mabbe nder Duubi 4 caaliidi.
Non O besdi bee manoore dum O mani Ardiido Lesdi Naajeeriya Muhammadu Buhari bee hooreejo Golle Sooja ‘en, General Lucky Irabor enanta luttube ardiibe Sooja’en.
Non Dr. Ibrahim Kana kanyumma wadani ministaajo on barka bee timminki golle nder Jam wala fitnaaji goddi.
SADIQ ALFA
