Ardiibe be hakkilanta shaanu janngirde Bacci moobi haa Abuja ngam giidal no be waddirta Jahargal yeeso fannu ilmu bacci nder Lesdi Naajeeriya.
Giidal ngal be hukuuma hakkilanta shaanu Janngirde den nga (UBEC) on hoosi teddeenga waduki ngal haa Abuja, nder man woodi taskaramji Feere feere ko waddata jahargal yeeso janngirde nder Lesdi Naajeeriya.
Prof. Soji Oni, jannginoowo on haa fannu annde Janngirde haa Universitiwa nde Gasol Lagos, wi haandi jabrude kanndude hoose ngam wadda jahargal yeeso ilmu nder Lesdi Naajeeriya.
Oni besdika bee wiiki haandi Bacci janngine ko haatoy bana haa Ci’e,nokkuuje dewal naase haa janngirde tan.
O wi“ngomnati,Saaro’en,Mallum’en Siyaasaabe,ardiibe Diina,Ardiibe labbaaje fuu mooba haro eltuki Bacci ngam jahegal yeeso hebe.
“Kadima hukuumawa janngirde, UBEC bee SUBEB wanngina taskaramji nafooji ko wallata janngirde ‘e waddata jahargal yeeso anndal.,”
Non , Dr Hamid Bobboyi, seketeriijo, UBEC win denno ma hukuumawa ngan lorni hakkiilo wadi taskaramji ko hebtata laabka noka waari haa fannuuji janngirde do lora baawo.
Non Kadima, hooreejo hukuuma hakkilanta honol mosle (ICPC), Prof. Bolaji Owasanoye, wi lornuki hakkiilo hedi shaanu janngirde dum hunnde on mardum nafuuda sanne nder Lesdi Naajeeriya.
Owasanoye, luutani Directaajo mo hakkilanta shaanu janngirde haa hukuumawa ngan, Mr Mohammed Baba, bee wiiki hukuumawa ngan wanngini taskaramji ko waddata jahargal yeesojanngirde masin ngam usta mosle.
SADIQ ALFA
