Ardiido Lesdi Kenya, William Ruto mettini wankoore dum nawliraabe wadi ko waddi sanadu fitnaaji ‘e sooyuki jawle ummaatoore nder man haa meemi mardi Ardiido Lesdi ndin boymaajo Uhuru Kenyatta enanta Lenyol maako.
Wakkati Ardiido on suuditi haalakan O mettini sanne bee wiiki O mabbititta Gite Maako O yi’aniido do fe’a haa Lesdi ndin.
O besdika bee wiiki O besdanan Police’en sembe yiiki ummaatoore ‘e jawle mabbe rentaama nder Lesdi ndin.
Kadima Julirde enanta Haykaleeji fu yibbinaama haa Galluure iga juude be anndaaka haa jooni.
Non ardiibe diina fu mettini kippeden koyaara nyennde Altine do Amma haandi siyaasaabe wada joonde bolindiral ngam Jam hebe haa Lesdi ndin.
Siyaasaajo kastaado nawliraawo Raila Odinga feli ngomnati bee wiiki kambe wambi baawo fitnaaji din ngam wobbe soya yonki mabbe.
Mr. Odinga lamsika bee wiiki be dalata lartuki dereeji no cubi din dogginiraama nder hitaande 2022.
SADIQ ALFA
