Taskaram hakkilanta shaanu golloobe Lesde Duuniyaaru fu (ILO) mani tiinaaje be Lesdi Naajeeriya dowko laarani narral joodidaaki hakkunde mabbe ngam wanngina laabka.
Hooreejo mawdoojo mo ILO, Mr Gilbert Houngbo, kanyum on wadi manoore nden wakkati O yiidano bee ministaajo mo hakkilanta shaanu golle ha Lesdi Naajeeriya, Dr Chris Ngige, haa Geneva, Switzerland.
Haalakan wurti haa hunnduko mo hakkilanta shaanu kubaruuji maako Mr Olajide Oshundun.
Ministaajo on yehi Geneva ngam waduki giidal ILO jee ragareere maako haa Laamu.
Ngige wolwi dow haalaaji 2 nafooji ummaatoore Lesdi Naajeeriya.
Hooreejo on ILO moni boddi ministaajo on masin iga ko maggi daddaare Laamu 2016, warki hannde.
O wi “mardo anndal sanne.”
“o anndi no O wolwirta bolide ngomnati min faasititta manuki mo ko haa Baawo maako bawti O dali daddaare Laamu..”
Kadima bawti ka O wi giidal ngal besdan bamtuki daraja Lesdi Naajeeriya nder Lsde fu nden bo besdan hawtuki hoore bee maari ngam besda rentuki neddaaku golle hijirbe.
“min wadan kabbidal narral boosungu (BLA) (MoU) bee Lesde ‘e Lesde marde Anniyaaji boddi ngam jahargal yeeso,” Ngige wi.
Haa nokkuure giidal ngal ILO hooreejo mo bakkeeje Lesde Africa Cynthia Samuel-Olonjuwon, tawaama haaton O mani tiinaaje Ardiido Lesdi Naajeeriya Muhammadu Buhari be taskanki giidal feesinki golle yaaki sukaabe haa Abuja nder 2019.
O tefri Ardungal garoojum bo hoosa kosde maako ngam weltinki ngurndam ummaatoore.
SADIQ ALFA
