Kawte hakkilanta shaanu rento nga (MNJTF) wi nanngi hallube be Lenyol Boko Haram/ISWAP ko hewtani 900.
Haalakan wurti haa mo hakkilanta kubaruuji MNJTF,N’Djamena Chad, Lt.-Col. Kamarudeen Adegoke.
Adegoke wi be kawte hebi nasaraaku sanne ko ustani Boko Haram enanta ISWAP sembe musamma Sooja’en yaaroobe kippe asama dow turtube ben.
Adegoke besdika bee wii kawte Soojaen ben MNJTF besdi sattinki terde mabbe haa bakkeeje den 5 Lewru bawti nannguki kastaabe tuumeteebe Boko Haram, Muhammed Sabo enanta Sarki Danladi nde be habdanno iggitaaki yaaki Galluure Munguno.
Nder ko be jabi haajoode mabbe woni gude suddaki mabbe 2,dereeji dugayeere ngaawol Liddi 2,Agoogooji juude 2, enanta are boraaki mabbe.
Kadima O wi woodi sooja’en do baruye bana Monguno – Kekeno – Cross Kauwa- Baga kambe on nanngi turtube 2 be tawribe enanta Gude kewdum sanne.
Nder jawaabu hooreejo walde nden, MNJTF, Maj.-Gen. AbdulKhalifa Ibrahim, mani tiinaaje Sooja’en gollooben hyaa nokkuure nden fu nden ma O tefri be be besda hooruki hakkiilo mabbe sanne haa golle mabbe ngam be besda hebuki nasaraaku.
SADIQ ALFA
