Hukuuma hakkilanta shaanu nga INEC fabbitini Cubi ngomna’en enanta di wakiili’en Jihaaji dum taskani no 11 Lewru March yaaki 18th March 2023.
Barr. Festus Okoye, laatiido comisinaajo haa INEC kanyum on suuditani ka kubaru’en nyennde Alarba.
O wi ka wadaama on bawti kiita ka Hiitordu hiiti dow ko laarani cubi Ardungal Lesdi Naajeeriya gadaadi Caaliidi.
Jam’iyaaji goddi naadi wullaandu dow be yerdai no cubidin dogginiraama Kadima be tefi heptuki noy BVAS naftira wakkat cubidin gadaadi 25th February 2023.
Okoye wi bawti ko Hiitordu sappi hokkibe jarful besduki taskaramji mabbe ko laarani BVAS haa cubi ngomna’en bee Majaliisaabe Jihaaji.
Kadima O wi geengal cubi wade yaaki Jemmaare Alamiisa 16th March 2023 ngam sanadu fabbitinki Cubi din.
SADIQ ALFA
