Ardiido Lesdi Naajeeriya Muhammadu Buhari ndditiri Lesde hebiide jahargal yeeso wada Lesde pamarde dungayeere luumooku mere hakkunde mabbe nder Lesde Duuniyaaru.
Ardiido on suuditi haalakan haa Doha Laamorde Lesdi Qatar nde be yaano giidal ko laarani Lesde pamardi nder Lesde Duuniyaaru bee Majaliisa moobgal Lesde Duuniyaaru UN.
O besdika bee wiiki toni haa Lesde den do wonndi ‘e nyamaale de besdan yiiduki ‘e yanngada sadirmaaji dooko be botira bee taskaramji kuude jahargal yeeso dum (SDGs) 2030.
Ardiido Buhari dari darnde ngam yii be walliti Lesde pamarde no hebirta jahargal yeeso kilantaaji riskuuji nohaandi nder taskaramji mabbe di hitaande 2030.
O limit duudka ko watta be wallita Lesde pamarde wurta iga tampere kilantaaji riskuuji bawti COVID-19,
Dow ko laarani yanayuuji sella bo O kannjum woni gootel nder ko Lesde pamarde burdi yarki mallabo yiiduki ‘e yanngadaaji bee man ko nanndi bana paccam ndiyam,hokkere,ngulinguli,’e ko nanndi’enon.
Ardiido Buhari mani tiinaaje Lesdi Qatar bee werde nden ‘e yettoore musamman yaaki Sheikh Tamim Bin Hamad Al Thani, lamdo surgiido mo giidal ngal.
Kadima O yejjitay UN bee taskaramji musamman ngam walla Lesde pamarde LDC.
SADIQ ALFA
