Sooja’en lesdi faransa timmini golle mabbe haa lesdi burkina faso dum be habbidino kabbidal golle mabbe haa bakkeeje lesde africa hirnaangeeje ngam wadduki joonde jam haa giifakan.
Nder Lewru January on Lesdi Burkina Faso hokkino Lesdi Faransa sarti Lewru gootel be itta Sooja’en mabbe haa Lesdi Mabbe.
Warki mabbe Lesdi ndin wadaama on ngam yiiki no fitnaaji kabe wadete haa bakkeeje den ko wadi duudbe sooyi yonki mabbe nden duudbe ma relli nokkuuje mabbe haa giifakan.
Hooreejo Sooja’en Burkinabe, wi o tawaama haa nokkuure nde be waddi ragare joonde sooja’en Lesdi Faransa nde e wadanno seyo lamarkan.
Sooja’en ko hewtani 400 be Lesdi Faransa on dalata Burkina Faso bawti be timmini golle mabbe.
SADIQ ALFA
