Bankiiru mawndu mawndu ndu CBN tabitiini wiiki dow be woodi sembe wannginki Ceede ko he’ata ummaatoore.
CBN lati boliido ko rahootooji sappi dow ko laarani duudal sankitaaki Ceede kese no haandi nder Lesdi Naajeeriya.
Haalakan wurti on bawti be ardini hooreejo bankiire cbn, mr. godwin emefiele, bee wiiki be wurtinay ceede den ko he’ata himbe.
CBN wi haalakan ka tokka biyaadi mallabo fewre on.
Tumbaljo CBN, Osita Nwasinobi, kanyum on suuditika bee wiiki hooreejo on Emefele wolwi ka wakkati O wadanno jawaabu maako haa yeeso be faada laamu nyennde Jumbaare, February 10, 2023.
Mr Nwasinobi wi Emefiele yecci bee haa giidal ngal dow NSPMC do wada fodde bawde mabbe ngam feesinki Ceede den kese yaaki ummaatoore Lesdi Naajeeriya no haandi.
Nwasinobibesdika bee wiiki CBN dari darnde do tokka ko diidaadi sappi CBN Act, 2007.
haa ragare O tefri ummaatoore acca tokkuki bolle caka date.
SADIQ ALFA
