Tumbaljo wakiili’en Majaliisaabe , Rep. Femi Gbajabiamila wakiili’en wala ko wi’ata be taskana Cubi nohaandi koo Bankiiru CBN hebay hewtinki yidannde ummaatoore nder wakkati dowko laarani waylitaaki Ceede kese.
Tumbaljo on wi be wadan fodde bawde mabbe ngam yiiki CBN hoytani ummaatoore.
Femi Gbajambiamila suuditi haalakan haa fattude Surulere nder Gasol Lagos wakkati O yaano waduki juude dow derewol nannguki Hooreejo Bankiiru CBN Emefiele ngam O Sali nootuki noddaandu mabbe.
Gbajabiamila besdika bee wiiki dowko laarani sadirmaaji di soynde feesaare Ceede hakkunde ummaatoore dariido tefre cubi ardungal Lesdi Naajeeriya haa APC, Asiwaju Bola Ahmed Tinubu, dari darnnde ngam yiiki be besdi wakkati Ceede den kidde accata huuweeki haa Lesdi Naajeeriya.
Kadima laati Ardiido Lesdi Naajeeriya Muhammadu Buhari Goddo on mo yurminta tala O wi be wadamunyal be hokkamo wakkati sedde ngam O hepta naka waari ‘eno ka waarete.
SADIQ ALFA
