Ummaatoore ko hewtanta ujinedde wurti dow baruye haa Galluure Santos nder Lesdi Brazil do hokka Guski kastaado fijiido Bol kosde Pele Sabbungo.
Be roondi Guski Pele haa Daldal Pijirle nde Urbano Caldeira stadium ko heewtani Saa’aaji 24 amma bee non fu ummaatoore faasitay yahuki ton.
Pele –hebiido nasaraaku nyaamol koofiiru Bol kosde jee Duuniyaaru. Nde 3 soyti do mari Duubi ko hewtani 82 maydo 29 Lewru December.
Pele yiidi’e yanngadaaji nyawndiigu nyaw Ladde iga hitaande 2021.
Ngomnati Lesdi Brazil hokki wollaare jee nyalde 3 ngam jooduki joonde foofo Pele non man wadi Ardiido Lesdi ndin – Luiz Inacio Lula da Silva wadi yaadu yaaki ton galluure Santos.
SADIQ ALFA
