Ngomnaajo Jihawol Kano, Dr. Abdullahi Umar Ganduje hokki mootaaji mawdi bosjii juddi do ko hewtani 100 hawtaade bee pamari ko hewtani 50 ngam hoytina talaka’en yiilaaru haa nder Jihawol Kano.
Omtuki taskaram nba’anteeji din wadaama on haa Dal dal pijirle nde galluure Sabon Gari haa Kano wayla walaadu Hirna Lesdi Naajeeriya.
Ganduje wi niiman do nder taskaramji Ardungal maako ngam hoytinki shaanu Jahaale enanta ustol sokotira mba’ante nder Jihawol Kano.
O wi “nder ardungal amin min wadi kuude kewdum nafooje musamman kuude nyirgal Laabi,baruye mawdi,fun gam Kano warta no warti jotta naneteedun nder Lesde Duuniyaaru.
“mi tabitini mon dow mootaaji bosji din ko hewtanta 200 waddete Kadima.,”.
Ganduje tefri ummaatoore dow useni be latta muybe nuddinbe be laabi kanndudi wakkati be nastata mootaaji din.
Commissinaajo on mo shaanu jahale, Alhaji Saleh Kausani, manitiinaaje ardiibe ben tabitiniibe kuugal ngal huuwaama haa mootaaji din wanngi.
Kadima hooreejo C ommitiwa barkaaji Lesdi, Luumooku,’e shaanu ndemri (KACCIMA), Alhaji Ahmed Aminu, kanyumma wi niido kannjum woni ardungal Boddum bee wiiki wadduki mba’ante mallabo mootaaji din wallan sanne haro hoytinki ngurndam ummaatoore Jihawol Kano.
Kano dum Jihawol on mari duudal ummaatoore nden Jihakan on Didabre burdi Luumooku haa Lesdi Naajeeriya.
SADIQ ALFA
