Ardiido Lesdi Gambia hoosi jabrude kanndude haro lekki nyawndiigu nastoyta Lesdi maako bawti bacci ko hewtani cappande sooyi yonki mabbe haa Lesdi ndin.
Ardiido Lesdi Gambia Adama Barrow suuditi haalakan ndi O andinanno ummaatoore.
O wi “ummaatoore Gambia, mi dari do yeeso mon mi yidi tabitinki on dow ngomnati hoosi jabrude hebtuki no ka fuddiri nden Ministaajo mo hakkilanta shaanu nyawuuji lincitan ledde nyaw ndiigu ko nastoyta Lesdi ndi’I ngam laabka wannga.”,
Adama Barrow hokki umroore dum tokka pattule ngam lincita Lekki ndamba ‘e pewri ko hokki Bacci ha wadi sanadu halkuki Bikkoy 66 nder Lebbi 3 Caaliidi haa giifan.
Barrow wi jabrude hoosaama ko usti halkere Bikkoy kon iga Asaweeje 2 Caaliidi.
Nyende Alarba yawtunde On taskaram hakkilanta shaanu njamu WHO wi be hoori hakkiilo dow Lekki ndamba haa nukkuure nde tafoyta lekki andira Maiden Pharmaceuticals haa Lesdi India badiima do mari juude haa halkere bacon kon.
Hukuumaaji shaanu njamu ka U.N. kambe ma be do lincita haalakan.
SADIQ ALFA
