Wakiili’en majaliisaaru ndotti’en wi haandi Lesdi Naajeeriya tokka kosde UN dowko laarani hurguki gannu mbulmbuldi sahaara.
Ballo hooreejo majaliisaabe ben, Senator Ovie Omo-Agege kanyum on suuditi ka wakkati lamar hikka 2022 nde Lesde Duuniyaaru fu wadata nyaloomaare nden.
Ovie suuditi ka haa Abuja alamode Lesdi Naajeeriya bee wiiki mbulmbuldi sahaara do wada mbononnda sanne haa bakkeeje waylaari Lesdi Naajeeriya.
O wi “niiman do wadda hasruuji sanne musamma ko laarani njamu ummaatoore haa giifakan,”.
Kadima Senator Omo-Agege mani tiinaaje ngomnati kawtal Lesdi Naajeeriya bee kabdal sanne ngan yiiki hurgi gannudi mbulmbuldi sahaara haa waylaari Lesdi Naajeeriya.
Ministaajo mo shaanu seewaaku, Mr Muhammed Abdullahi, kanyumma nodditiri Naajeeriyaabe lorna hakkiilo dow ko laarani gannudi mbulmbuldi sahaara.
Abdullahi wi; “moye fu woodi dabareeji ‘e laabi kewdi ko wallititta no hurgira gannudi din ngamman tata ‘en acca gannudi din hurga’en.
Haa ragare ministaajo on tefri walloobe’e be kuude jahargal yeeso to soma wada fodde bawde mabbe no hurgirta gannudi din ‘e waddol jahargal yeeso nder Lesdi Naajeeriya.
SADIQ ALFA
