Hooreejo Sooja’en (COAS), Lieutenant General Faruk Yahaya wi sooja’en fudda firlitaaki gawargal golle mabbe.
O wi niiman do wallan be sanne haro yiiki be besdi hooruki hakkiilo mabbe hedi shaanu rento musamman wakkati cubi.
Hooreejo on suuditi haalakan The COAS 14 Lewru June 2022, wakkati O omtanno taskaramka haa moobtorde giidal mabbe 2 ko wada haa, Command Officers’ Mess 1, Asokoro, Abuja.
O besdika bee wiikifirlitaaki man laati doole ngam rentuki ummaatoore enanta jawle mabbe bee taskaramji cubi.
General Yahaya wi O faami fakat haandi sooja’en besda hooruki hakkiilo dow ko laarani ko diidaadi sappi enanta rentuki ummaatoore.
O tefri sooja’en fuu tokka ko diidaadi sappi wakkati be dogginta golle mabbe.
General Yahaya besdika bee wii be hooran hakkiilo mabbe sanne haro eltaaki sukaabe mabbe ngam besda heptuki ko huuwata.
Kadima O wi elto on tan wallata faaki jahargal yeeso golle mabbe ngam dabareeji feerefeere anndinta do dogginirta golle den haa heba nasaraaku.
Jawaabuuji din fu windaama on iga mo hakkilanta shaanu kubaruuji hukuumawa ngan Brigadier General Onyema Nwachukwu.
SADIQ ALFA
