Hukuumakkilanta shaanu duudal himbe nga (NPC) Lesdi Naajeeriya tefi kawtal koppi Sooja’en wakkati be huuwata kuude mabbe.
Hooreejo hukuumawa ngan, Honourable Nasiru Isa Kwarra kanyum on suuditi haalakan nyennde Salaasa, 24th of May 2022, bawti O ardini mawbe golloobe hukuumawa ngan be yaano nootuki noddaandu hooreejo Sooja’en (COAS) Lieutenant General Faruk Yahaya haa Hodorde mabbe nde Abuja Laamorde Lesdi Naajeeriya.
Honourable Kwarra wi be waddi nillakan musamman ngam tefre kawtal koppi on wakkati be dogginta kuude mabbe dum limngal ummaatoore jee hitaande garoojum 2023.
Honourable kwarra wi be ngadan fodde bawde mabbe haro yiiki be huuwi kuude den no haandi nden O mani tiinaaje sooja’en ben bee kabdal mabbe ‘e huuwuki kuude den wakkati be huuwata dow ko laarani waitinki ko’e ummaatoore ‘e taskaramji shaanu rento.
Hooreejo sooja’en ben, Lieutenant General Faruk Yahaya wi fakat marki adadu duudal himbe wallan sanne haro kuude jahargal yeeso Lesdi fu.
O wi Sooja’en wadan ko haandi ngam yiiki kuude den dogginaama bana bernde yidi.
SADIQ ALFA
