Hukuuma hakkilanta shaanu Lenguru maatootiral (ITU) dum Lesde Duuniyaaru hokki ministaajo mo hakkilanta shaanu maatootiral enanta ko laarani kilantaaji riskuuji hedi annde kiimiyaaku, Professor Isa Pantami, laatuki hooreejo mo shaanu maatootiral haa moobtorde nde maatootiral Lesde Duuniyaaru. (WSIS) 2022.
Moobtorde nde nde tammi wadeeki haa hodorde ITU haa Galluure Geneva, Lesdi Switzerland.
Haalakan wurti on haa hunduko ballo ministaajo on mo hakkilanta shaanu mbiditi ‘e jahagal yeeso hukuumawa ngan, Dr Femi Adeluyi bee wiiki hokkuki mo mukaamu ngun wadaama on iga ofisru seketeriijo mawdoojo mo ITU, Mr. Houlin Zhao neldiido mo derewol seedaramku.
Seketeriijo on Zhao wi, “pantaami hokka manngu ngun bee hujjaaji kimminiidi konanndi bana tidal maako anndal ko ALLAH hokkimo dow ko laarani kuude den WSIS nden bo Ardiibe dudbe yerdaama duuko be hokka mo.”
thegiidal moobtorde wsis jee 2022 dudka tammi meteeki haa giifakan ngam ko waddata jahargal yeeso ict enanta hewtanki yedannde mabbe faaki jaharal yeeso kilantaai riskuuji dooko 2030.
Hukuumawa ngan WSIS, do mar lise bana ITU, UNESCO, UNDP, UNCTAD hawtaade bee gebe godde de hewtani 24 dum UN ko hawti bee, FAO, ILO, ITC, UNDESA, UNICEF, UNIDO, UNITAR, UNHCR, UNODC, UNEP, UPU, UN Tech Bank, WMO, WIPO, WHO, WFP, enanta taskaramji Rewbe UN.
Pantami mani tiinaaje Ardiido Muhammadu Buhari bee baawal baawo O hokkimo haa yottuki bana jotta.
SADIQ ALFA.
