ARDIIDO LEDDI Najeeriya Bola Ahmed Tinubuwanni ngomnaajo jiha Enugu, Peter Mbah, barka be heutuuki duubi maudi ha ngurdaam makko ko o danyoora, o tindini ngomnaajo on duuw goddo on mardo tidal ha kuude.
Tinubu manni Mbah be hokkuugo laamu democradiyya daraja mum hautaade be dogginki kuude kimminiide de bantata ngurdaam ummatoore jiha kan no footi, owii ngomnaajo on do nder ngomna’en leddindi be hokki ngomnati makko daraja ha giite duniyaaru.
Ha habaruwool ngool shakowo habaruuji ha office ru Ardiido leddi wutini, Tinubu samdinimo nden yelaaniimo hairu, ha fahin toraniimo Allah beddanama duubi mardi naafu ha ummatoore makko hautaade be lenyol makko fu jonde woore.
A BELLO
