Ministaajo mo hakkilanta shaanu maatootiral ‘e waytinki ko’e ummaatoore, Mohammed Idris besdi tabitinki ummaatoore Lesdi Naajeeriya dow shaanu ndemri do nder arano haa taskaramji ardungal mabbe nder Lesdi Naajeeriya.
Idris suuditi haalakan wakkati giidal hakkunde maako bee ardiibe hukuuma shaanu ndemri haa hukuuma hakkilanta shaanu ndemri enanta nyaamannde nder Lesdi Naajeeriya haa Abuja laamorde Lesdi Naajeeriya.
O mani tiinaaje hukuuma hakkilanta shaanu ndemri, Abubakar Kyari, dow ko laarani taskaramji maako ko sembidinta ‘e feesinol nyaamannde nder Lesdi Naajeeriya.
O wi o faami; “Ardiido Lesdi Naajeeriya iga ko magi korowal laamu woodi gannudi di O yiidataamma fodde bawde do wade ngam senbidinki kilantaaji riskuuji Lesdi Naajeeriya.”
Ardiibe tawaabe haa giidal ngal wi sembidinki shaanu ndemri hedi are kuutinirteedum ndemri bee shaanu jahaale nyaamannde wallan sanne haro feesinol ‘e sembidinki kilantaaji riskuuji.
SADIQ ALFA
