Directaajo maudo daga office ru banki duniyaaru, Dr. Mathew Verghis, holli anniyaaji bankiiru ndun ha wallutuggo yebre andaal ema hebango fiiji din kare kutinirteede de jamanu faaki jiha Borno, o loori o tindini ngomnaajo jiha kan Babagana Zulum duuw Ardiido yotuudo haaje mardo kajaal jamaje makko.
Dr. Verghis andini bannin on ha lamar umtaaki jangirle dudde ha Maiduguri, fada lamorde jiha Borno nyande altiine salunde do owii taskaramji fiiji andaal duum ngomnaajo jihakan dogginta do woodi boote masin ha bantuugo daraja yebre andaal ha nder jiha kan no footi.
O beddi wigo taskaram mai do marri himmidinaare hedi warturgo bibbe pamaroon acchiikoi janguugo nder duubi shalinoodi ngammai komoye ha jiha Borno hokka bawaal bawo mum ema kautaal hoore ngam yiigo taskaramji fiiji andaal pat hebi nasaraaku doggineego bana no mara haaje.
A BELLO
