Hukuuma dogginoowa fodo nastuugo jami’aaji leddi Najeeriya nga Joint Admissions and Matriculation Board (JAMB) wii ha jonta nga beddai cheede ko nairaare ha waduugo rigista winduugo fodongon je hikka, bana no wobbe fere tumaata hukuumakan duuw nga beddi cheede den, amma nga feuni halakan nden ha jonta bana no wowa on yobeede. Unified Tertiary Matriculation Examination (UTME).
Hukuuma kan andini bannin on bawo nde rahotooji fere sahaaki do wancha ha laabi matotiraal jamanu duuw JAMB beddi cheede dereeji rigista mabbe, be tabitini duuw wola ko bedda nden bo be ngoola haaje loruugo bedda ko neraare woore.
Ha habaruuwool ngool bolinoowo hukuuma JAMB ha leddindi, Dr. Fabian Benjamin, beddi wiigo hukuuma JAMB beddata cheede rigista tan bannin sina be dabbutuugo bawaal bawo marbe juude ha yebre andaal leddindi, ngammai fukaraabe marbe haaje winduugo fodo hikka ta mbara jokke mabbe be njaha be ngada rigistatakan nder wakkati.
A BELLO
