Ardiido Lesdi Naajeeriya Bola Ahmed Tinubu nodditiri lamlambe ndonndomu enanta ardiibe diina wamba baawo kuude hesditinki shaanu njamu dum ngomnati taskani wadeeki nder Lesdi Naajeeriya.
Ardiido on suuditi haalakan haa lamar moobre dum arasnndeere jee ardiibe ben ko wada dow ko laarani shaanu njamu haa hodorde ngomnati laamorde Lesdi Naajeeriya haa Abuja.
Haa moobre nden ardiido on Tinubu tefri kawte botiroobe bee taskaramji shaanu njamu nder Lesdi Naajeeriya huuwa kuude boddi nafooji yebre nden ngam ummaatoore Lesdi Naajeeriya heba njamu boosungu ‘e kuude jahargal yeeso.
Ardiido on wi do dari darned sottoowo ngam yiiki yedre nden hebi dartirde no haandi nder Lesdi Naajeeriya no foti wakkati ardungal maako.
Kadima ardiido on tefri golloobe kuude wakkere ngomnati huuda bee ardiibe diina enanta arddiibe laamu ndonndonu nder Lesdi ndin ngam kuude den huuwe no haandi.
Ministaajo mo hakkilanta shaanu njamu, Professor Mohammed Ali Pate, usi yeti ardiido Lesdi Naajeeriya bee numuki juttina ko laarani haala kuude den nafoojum sanne bawti lartol rahootowol dum foodi hakkiilo ardiido ngam huuwuki kuude den.
Lamlambe enanta ardiibe diina tawaabe haaton woni Ooni of Ife, Oba Adeyeye Ogunwusi; Olu mo Warri, Ogiame Atuwatse III; lamdo Zazzau, Alhaji Ahmed Nuhu Bamalli; Tor Tiv, Prof. James Ortese Ayatsev, Olowo of Owo, Oba Ajibade Ogunoye; the Shehu of Borno, Alhaji Abubakar Umar Garbai Al-Kanemi; Igwe Dr Lawrence Chikezie Agubuzu, the Ogbumechendu of Ezema Olo Kingdom; Ayangburen mo Ikorodu, Oba Kabiru Adewale Shotobi; Olumobi mo Imobi-Ijesa Kingdom, Oba Jacob Adetayo Hasstrup.
Hooreejo CAN, Most Rev. Daniel Okoh, ballo ardiido Nigerian Supreme Council for Islamic Affairs, Alhaji Razaq Oladejo,.
SADIQ ALFA
