Ngomnati leddi Najeeriya hauran juude be ngomnati leddi China ngam wanginki laabi jahool yesso je wallata lesde den didifu musamman hedi yebre lumooku ema ekkitinki sukaabe kude sana’aji juude ngam heba no sukaabe ha Najeeriya dara be kosde mum.
Ngomnatiiji lesde den ngadi juude duuw ngerdotiraal ngal on ha Abuja fada lamorde leddi Najeriya hakkunde ofiiceji tomaaabe lesde den ngam wallita ha dogginki kude kimiyya ema bawaangu jamanu je beddata bantuugo daraja lesde den ha giite duniyaaru.
Nde o wadanno jawaabu makko ha lamar kan Directaajo maudo ha yebre kautaal koppi hakkunde Najeriya be China (NCSP), Mr Joseph Tegbe, wii hauruugo koppi hakkunde lesde den didi na hande on fuddi duubi boi lesde den do botora be wallinde banduum hedi fiiji fere fere.
A BELLO
